सरकारय् ब्वति कायेगु वा मकायेगु खँय् रास्वपाया मुँज्या
राष्ट्रिय स्वतन्त्र पार्टी (रास्वपां) सरकारय् ब्वति कायेगु वा मकायेगु धइगु खँय् थौं शुक्रवा: निर्णय याइगु जूगु दु ।
उगु पार्टीं थौं शुक्रवाः केन्द्रीय समिति व संसदीय दलया मंकाः बैठक सःतूगु खः । न्हिनय् च्वनीगु केन्द्रीय समितिया बैठकं पुष्पकमल दाहाल ‘प्रचण्ड’ नेतृत्वया सरकारय् पार्टीया ब्वति कायेगु वा मकायेगु धइगु बारे सहलह जुइगु धाःगु दु ।
अथेहे लिपांगु समसामयिक राजनीतिक विषय व हिलावंगु राजनीतिक परिस्थितिया बारे नं शुक्रवाःया बैठकय् सहलह जुइगु पार्टीया प्रवक्ता मुकुल ढकालं जानकारी ब्यूगु दु । वंगु वैशाख १० गते जूगु उपनिर्वाचनं पार्टी सभापति रवी लामिछाने चितवन क्षेत्र नं. २ पाखें हाकनं त्याना वयेधुंकाः शुक्रवाः पार्टीया निक्वःगु केन्द्रीय समिति बैठक च्वने त्यंगु खः ।
रास्वपायात सरकारय् हयेगु लागि सत्ता गठबन्धनं कुतः यानाच्वंगु खः ।
