भोजपुरय् लछि तक भासा प्रशिक्षण न्ह्यात
नेवाः मिसा दबु भोजपुर जिल्ला ज्यासना पुचःया ग्वसालय् लछि तक नेपाल भासा स्यनेगु ज्याझ्वः न्ह्यज्यांगु दु ।
न्हिनसिया ४ ता इलय् निसें ६ ता इलय् तक भिन्तुना होटल डाँडा गाउलय् न्ह्यानाच्वगु खः सा लिपागु इलय् भोजपुरया बोखिमच्वपिं बासीतय्सं थःगु मचातय्त नं नेवाः भासा स्यनेत इनाप याःगु कथं भोजपुरया देउराली नं नेवाः भासा स्यनेगु ज्या न्ह्यागु दु । भोजपुरय् नेपाल भासा न्वायेगु ज्या म्ह जुगू इलय् भोजपुर मिसा दबू नायः अवनी शाक्य, स्यनामि भरत ताम्राकार व स्यनामि अमृका ताम्राकार जानाः थुगू पला न्ह्याकादिगु खः ।
मा भाय् झिगु म्हसिका खः ।
थ्वः राज्यया सम्पत्ति खः । थुइत म्वाके मा
धाइगु तातुना तया न्ह्याकगु थुगू भासा प्रशिक्षणलय् मुक्कं १०० सिबें अप्व प्रशिक्षार्थी दुगू खँ भोजपुर मिसा दबू नायः अवनी शाक्य कनादिगु खःसा थाय् बिया ग्वहालि यानादिम्ह भिंतुना होटलया बद्री श्रेष्ठ, गणेश प्रधान, स्यनामि भरत ताम्राकार व स्यनामि अमृका ताम्राकारयात बिशेष सुभाय् देछागु दु ।
