बिस्काः जात्रा मदिकेत सर्वोच्चया आदेश
सर्वोच्च अदालतं ख्वपय् न्यायेकीगु बिस्काः जात्रा मदिकेत अन्तरिम आदेश ब्यूगु दु । जिल्ला प्रशासन कार्यालयं कोरोना संक्रमणया हुनि क्यनाः थुगु दँय् वर्ष बिस्काः जात्रा मयायेगु क्वःछिगु खः ।
जिल्ला प्रशासनया निर्णय वयेवं हे अधिवक्ता राजकुमार सुवालं सर्वोच्च अदालतय् रिट तःगु खः । उगु रिटय् प्रारम्भिक सुनुवाई याना न्यायाधीश पुरुषोतम भण्डारीया एकल इजलासं अन्तरिम आदेश जारी याःगु खः । थौं हे ख्वप नगरपालिकां स्वास्थ्य मापदण्ड पालना याना जात्रा यायेगु क्वःछिगु दु ।
