मिस नेवाःया बिजं कासा (फिनाले) शनिवाः जुइगु
नेप्लिज फेशन होमया ग्वसालय् न्ह्यानाच्वंगु मिस नेवाः ११४१ या बिजं कासा (फिनाले) शनिवाः जुइगु जूगु दु । वंगु झिंखुदँ न्ह्यःनिसें नेवाः भाय्, कला, तजिलजि आदि यात ल्यंकाःतयेगु व न्हूपुस्तायात लःल्हायेगु आजुकथं ल्यायम्हतयगु नुगः सालेत ताःलानाच्वंगु थुगु कासा थुगुसीया झिंन्याक्वःखुसी जुयाच्वंगु दु । थगुने हलिंन्यंक महामारीया रुपं न्यनाच्वंगु कोराना भाइरस (कोभिड–१९) या हुनिं थुगु कासा जुइमफुगु खः ।
कोभिडया हुनिं हे जुइमा: थुगुसी ब्वति कयादीपिं नं तसकं म्हो जक दु । मुक्कं झिंखुम्हेसिनं ब्वति कया तालिमय् दुथ्यानाच्वंगु खःसां बिजंकासा लिक्क वःलिसें मेपिं स्वम्ह नं कासाय् दुथ्याके मफइगु धाःगु दु । आः मुक्कं झिंस्वम्ह मयजुपिंसं थुगुसी मिस नेवाः ११४१ या बिजं कासाय् धेंधेंबल्ला याइगु जूगु दु ।
भाजु रोजेन शाक्य व मिस नेवाः २०११ त्याकादीम्ह मयजु सुनिता डंगोलं प्रशिक्षण बियादीगु थुगुसीया कासा वंगु सिल्लाथ्व सप्तमि (फागुन ७ गते) खुन्हु बिजं कासा जुइगु धकाः सुचं ब्यूगु खः । तर वखुन्हु प्रजातन्त्र दिवस जुया बिजं कासा जुइगु थाय् प्रज्ञा प्रतिष्ठानय् नेपाल सरकारं थःगु ज्याझ्वः तःगुलिं हल मदया छवाः लिज्याःगु खः । तालिम ज्वःछि प्रशिक्षकपिंसं थीथी नेवाः नसा (भ्वय्) ताःलाकेगु, सवाःलाख मत च्याकेगु, थीथी नेवाः बस्ति चाःहिलेगुलिसें थःके दुगु प्रतिभा न्ह्यब्वयेगु ज्या जूगु खः।
मिस नेवाः ११४१ या बिजं कासाय् यल लुँहितिया प्रिया तण्डुकार, येँय् नक्सालया स्वीकृति महर्जन, येँय् मैतिया मनिका खड्गी, यल कुमारीपाटीया मनिषा महर्जन, येँय् काटेश्वरया एन्जिला अवाले, यल ख्वनाया रोहिना महर्जन, येँय् पुतलि सतकया रुचिका तण्डुकार, येँय् डल्लुया कृषा महर्जन, येँय् कलंकीया कृष्टिना महर्जन, यल सुनाकुथिया रिना महर्जन, येँय् बालाजुया श्रृजा रञ्जितकार, येँय् असंया सौर्य शाही व येँय् गणबहाःया लेनिका डंगोल दथुइ धेंधेंबल्ला जुइगु खः।
शनिवाः न्हिनसिया ३ ताःइलंनिसें येँय् प्रज्ञा भवनय् न्ह्याइगु थुगु कासाया अफिसियल सामाजिक सञ्जाल “नेवाः प्राइड" फेसबुक पेजपाखें तप्यंक प्रशारण याइगु जूगु दु ।
Related Stories
फागुन ७ गते झिंन्याकःगु मिस नेवाः नेवाः संस्कृतिलिसे मिस नेवाःया मय्जुपिं मिस नेवाःया ट्यालेन्ट शो शनिवाः किपुलिइ जुइगु मिस नेवाः ११४१ या ट्यालेन्ट शो क्वचाल मिस नेवाः ११४१ या बिजंकासा लिज्यातMore Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
