श्रीपंचमि हनाच्वन, नेपालमण्डल डट कम झिंस्वदँय् क्यन
थौं मंगलवाः सिल्लाथ्व पंचमि श्रीपंचमि देय् न्यंक हनाच्वंगु दु । थौंया दिं ससुमाजु अर्थात सरस्वतीया पुजा याइगु दिं खः ।
थौंया दिं मस्तय्त आखः म्हसीकेगु निसें कयाः छुं नं न्हूगु ज्या न्ह्याकेत बांलाःगु दिं कथं कयातःगु दु । थौं छुं ज्या यायेत साइत म्वाः धकाः धायेगु याः । उहिं श्रीपंचमिया दिनय् ब्याहा, कय्तापूजा, इही, बारा, जंक्व इत्यादी भिं ज्या यायेगु याइ ।
थौंया हे दिनय् ने.सं. ११२९ य् नेपालमण्डल डट कम न्ह्याःगु खः । थौं नेपालमण्डल डट कम झिंनिदँ फुनाः झिंस्वदँय् क्यंगु दु ।
