मिस नेवाः ११४१ या बिजंकासा लिज्यात
नेप्लिज फेसन होमया ग्वसालय् जुयाच्वंगु मिस नेवाः ११४१ या बिजंकासा (फाइनल) या न्हि लिज्याःगु दु । नेवाः भाय्, तजिलजिलिसें नेवाःया सकतां खँया प्रचार प्रसार यायेगु, न्हूपुस्तायात स्यनेकने यायेगुलिसें ल्यंका तयेगु तातुनां दँयदसं न्ह्याकाच्वंगु मिस नेवाः कासा थुगुसी १५ क्वःगुखुशी न्ह्याकाच्वंगु खः ।
आः थुगुसीया बिजं कासा (फाइनल) थ्वहे वइगु सिल्लाथ्व पुन्हि (फागुन १५ गते) जुइगु ग्वसाः खलकं जानकारी ब्यूगु दु । सिल्लाथ्व तृतिया (फागुन ७ गते) बिजं कासा येँया प्रज्ञा भवनय् यायेगु धकाः क्वःछिनातःगु खःसां वखुन्हु प्रजातन्त्र दिवस जूगु व नेपाल सरकारं प्रजातन्त्र दिवसया ज्याझ्वः तःगुलिं थःगु ज्याझ्वः लिज्याकेमाःगु ग्वसा: खलः नेप्लिज फेसन होमं जानकारी ब्यूगु खः ।
मिस नेवाः ११४१ य् ब्वतिकाःमिपिंत न्हियान्हिथं हे तालिम जुयाच्वंगु दुसा थुगु कासाया थीथी विधात मध्ये वंगु पोहेलागा दुतिया (माघ १७ गते) किपूया ससःत्वालय् "ट्यालेन्ट शो" क्वचायेके धुंकूगु दु ।
Related Stories
मिस नेवाः ११४१ या ट्यालेन्ट शो क्वचाल फागुन ७ गते झिंन्याकःगु मिस नेवाः नेवाः संस्कृतिलिसे मिस नेवाःया मय्जुपिं मिस नेवाःया ट्यालेन्ट शो शनिवाः किपुलिइ जुइगु
