बल्खुं वटुकृष्ण थापा सहित स्वम्हेसित ज्वन

नेपाल कम्युनिष्ट पार्टी नेकपा प्रचण्ड माधव पुचलं थौं माघ २२ गते याःगु शान्तिपूर्ण आम हड्तालया झ्वलय् छुं छुं मनूतयत ज्वंगु दु ।

नेकपाका केन्द्रीय दुजः सुरेन्द्र मानन्धरया नेतृत्वय् येँ महानगरपालिका वडा नं. १४, बल्खुचोकय् शान्तिपूर्ण रुपं आन्दोलन यानाच्वंपिं नेता कार्यकर्तातयत प्रहरीं धरपकट यासें स्वम्हेसित ज्वंगु खः । ज्वंकूपिं नेकपा येँ जिल्ला दुजः वटुकृष्ण थापा, किपू नगर समितिया सचिवालय दुजः सुशिला बस्नेत व किपू नगर समितिया दुजः रुपेश बुढाथोकी खः ।

वयकपिंत आः महाराजगञ्जय् च्वंगु प्रहरी चौकी तयाःतःगु व बहनीतक सकसितं त्वःतीगु आन्दोलनय् ब्वतिकयादीम्ह किपूया नेता केदार बुढाथोकीं जानकारी बियादीगु दु ।