मिस नेवाः ११४१ या ट्यालेन्ट शो क्वचाल
नेवाः भाय्, तजिलजिलिसें नेवाःया सकतां खँया प्रचार प्रसार यायेगु, न्हूपुस्तायात स्यनेकने यायेगुलिसें ल्यंका तयेगु तातुनां न्ह्याकाच्वंगु मिस नेवाः ११४१ या ट्यालेन्ट शो शनिवाः क्वचाःगु दु । नेप्लिज फेसन होमया ग्वसालय् दँय्दसं याना वयाच्वंगु मिस नेवाः कासा थुगुसी झिंन्याक्वःगु खःसा थुकिया ट्यालेन्ट शो शनिवाः किपूया नकतिनि दयेकाच्वंगु ससःत्वालय् क्वचाःगु खः ।
ज्याझ्वःया मूपाहां किपू नगरपालिकाया प्रमुख रमेश महर्जनं त्वाःदेवाय् मत च्याका उलेज्या यानादीगु ज्याझ्वलय् मिस नेवाः ११४१ य् ब्वति कयादीपिं झिंप्यम्हेसिनं थःथःगु प्रतिभा न्ह्यब्वःगु खः । ब्वति कयादीपिं मध्ये न्हय्म्हसिनं आधुनिक नेपालभाषाया म्येय् हुला प्याखं न्ह्यब्वःगु खःसा छम्हेसिनं कुमारी चर्या प्याखं न्ह्यब्वःगु खः । अथेहे अंग्रेजी भासं छम्ह व नेवाः भासं छम्ह याना निम्हेसिनं चिनाखँ न्ह्यब्वःगु खःसा बाँकीपिंसं आर्ट, बाँसुरीया धून, सितिं वनाच्वंगु प्लाष्टिकपाखें स्वां दयेकेगु कला व भ्वाइलिनया धून न्ह्यब्वयादीगु खः ।
ज्याझ्वःया मूपाहां किपू नगरपालिकाया प्रमुख महर्जनं मिस नेवाः ११४१ या ल्यज्यामिपिंत मतिनाया चिं लःल्हानादीगु खःसा पाहांपिं किपू नगरपालिका वडा नं १० या अध्यक्ष अमन महर्जन, कीर्तिपुर उद्योग बाणिज्य संघया अध्यक्ष राज्यलक्ष्मी शाक्य, ससःत्वाःया अध्यक्ष फिरोज सिंहयात नं मतिनाया चिं लःल्हानादीगु खः । ज्याझ्वलय् थःगु नुगः खँ तयादिसें मूपहाँ महर्जनं नेपालभाषाया उत्थानया लागि मद्दिक्क न्ह्यचिला च्वनादीगुलिं नेप्लिज फेसन होमयात सुभाय् बियादिल । मूपाहां महर्जनं नेवाः मिसातय्गु प्रतिभा ब्वयेगु इभेन्ट कथं छगू मंकाः दबू दयेकाच्वंगु तसकं महत्व दुगु खँ धयादिसें थुकी ब्वति कयादीपिं सकलसित भिंतुना देछानादिल ।
ग्वसाः खलः नेप्लिज फेसन होमया अध्यक्ष हेमा मानन्धरं थ्व सहित झिंन्याक्वःखुसी मिस नेवाः याये धुनागु जानकारी बियादिसें मिस नेवाः यायेमाःगु आवश्यकता व महत्वया बारे ध्वाथुइका दीगु खः । थुगु मिस नेवाः ११४१ या ट्यालेन्ट शोयात ग्वसाः खलःया अफिसियल सामाजिक संजाल नेवाः प्राइडपाखें तप्यंक प्रशारण जूगु खः । ज्याझ्वः सन् २०११ या मिस नेवाः टाइटल त्याकादीम्ह मय्जु सुनिता डंगोलं न्ह्याकादीगु खः ।
थुगु ट्यालेन्ट शोया विजयी थ्वहे वइगु ११४१ सिल्लाथ्व सप्तमि (२०७७ फागुन ७ गते) जुइगु मिस नेवाः११४१ या बिजं कासाय् घोषणा याइगु खः ।
Related Stories
फागुन ७ गते झिंन्याकःगु मिस नेवाः नेवाः संस्कृतिलिसे मिस नेवाःया मय्जुपिं मिस नेवाःया ट्यालेन्ट शो शनिवाः किपुलिइ जुइगुMore Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
