मिस नेवाःया ट्यालेन्ट शो शनिवाः किपुलिइ जुइगु
मिस नेवाः११४१ या ट्यालेन्ट शो शनिवाः किपुलिइ जुइगु जूगु दु । नेपलिज फेशन होमया ग्वसालय् न्ह्यानाच्वंगु मिस नेवाः ११४१ य् ब्वतिकयाच्वंपिंसं मिस नेवाः ११४१ या उपाधि त्याकेत थीथी इभेन्टय् धेंधेंबल्ला यायेमाःगु खःसा थ्व छगू नं मुख्य इभेन्ट खः । थ्व इभेन्टय् ताःलाःम्हेसित नं बिजं कासाय् (फाइनलय) मिस ट्यालेन्टया बिस्कं उपाधि छायेपिइगु खः ।
शनिवाः जुइगु थुगु मिस ट्यालेन्ट इभेन्ट किपू नगरपालिका वडा नं ३, सागलय् नकतिनि जक दयेके क्वचाःगु ससः त्वालय् थ्व इभेन्ट जूइगु खःसा मूपाहां कथं किपू नगरपालिकाया प्रमुख रमेश महर्जन झायादीगु ग्वसाखलकं जानकारी ब्यूगु दु ।
ट्यालेन्ट इभेन्टय् ब्वति कयादीपिंसं थःके दुगु प्रतिभा प्याखं हुइगु , बाँसुरी पुइगु, आर्ट यायेगु, ह्याण्डीक्र्याफ्टलिसें न्वचू (भाषण कला) समेत न्ह्यब्वइगु तालिम बिया च्वनादीम्ह सुनिता डंगोलं जानकारी बियदीगु दु । झिंन्याक्वःगु थुगु मिस नेवाः ११४१ य् मुक्कं १५ म्हेसिनं हे ब्वति कया च्वनादीगु दु ।
Related Stories
फागुन ७ गते झिंन्याकःगु मिस नेवाः नेवाः संस्कृतिलिसे मिस नेवाःया मय्जुपिंMore Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
