नेवाः संस्कृतिलिसे मिस नेवाःया मय्जुपिं
म्हया सुन्दरतालिसें बौद्धिक व मेमेगु नं खँय् नं विज्ञता दयेकेया नितिं नेवाः ख्यलय् न्ह्यानाच्वंगु छगू ज्वःमदुगु ज्याझ्वःखः मिस नेवाः । नेपलिज फेशन होमया ग्वसालय् दँय्दसं यानाच्वंगु मिस नेवाः कासा थगुने धाःसा विश्व महामारीया रुपं न्यनावंगु कोरोना भाइरस (कोभिड–१९)या हुनिं दिकेमाःगु खःसा थ्व दँय् धाःसा हाकनं न्ह्याकूगु दु ।
थुगु दँय् मुक्कं झिंखुम्हेसिनं जक थ्व धेंधें बल्ला कासाय् ब्वति कयाच्वंगु दु । नेवाःतय्गु मौलिक संस्कार, लिपि, तजिलजि दक्वं बैज्ञानिकता दुगु थुगु खँयात हलिंन्यंक प्रचार प्रसार यायेगु छगू बांलाःगु ज्याझ्वः थ्व मिस नेवाः कासा खः । नेवाःतय्गु मौलिक संस्कार सहित थीथी खँत न्हू पुस्तायात स्यनेत थौंकन्हय् ग्वसाः खलः नेपलिज फेशन होमया थःगु हे ज्याकू येँया डिल्लीबजारय् मिस नेवाः कासाय् ब्वतिकयाच्वंपिं मय्जुपिंत तालिम बीगु ज्या न्ह्यनाच्वंगु दु । थुगु तालिमय् भाजु रोजेन श्रेष्ठ व मिस नेवाः सन् २०११ त्याकादीम्ह मय्जु सुनिता डंगोलं थीथी नेवाः संस्कारया खँ त नं स्यनाच्वंगु खः ।
थ्वहे झ्वलय् नेपाः लगायत हलिंन्यंक अझं दयाच्वनंगु कोरोना भाइरसया महामारी चिला वनेमा व हलिंन्यंक हे शान्ति दयेमा धकाः वंगु वालय् लाख मत च्याकेगु ज्याझ्वः जूगु खः । लाख मत च्याकेगु छगू नेवाःतय्गु मौलिक संस्कार नं खः । थथे यात धाःसा मतिइ तःगु खँ पूवनी धइगु जनविश्वास नं दु । वंगु वाःशुक्रवाः व शनिवाः निन्हु हे लाख मत च्याकेगु ज्या जूगु दु । शुक्रवाः येँय् महाँकाल द्यःयाथाय् लाख मत च्याकूगु खः सा शनिवाः येँया तेबहालय् च्वंगु संकता द्यःयाथाय् लाख मत च्याकूगु खः।
मिस नेवाः ११४१ या थुगु संस्करण झिंन्याक्वःगु खःसा थुकीया बिजंकासा –फाइनल० थ्वहे वइगु नेपाल संवत् ११४१ सिल्लाथ्व सप्तमि (२०७७ फागुन ७ गते) येँया प्रज्ञाभवनया दबुलिइ जुइगु व नेपाल टेलिभिजनं तप्यकं प्रशारण याइगु ग्वसाः खलकं जानकारी ब्यूगु दु ।
Related Stories
फागुन ७ गते झिंन्याकःगु मिस नेवाः मिस नेवाःया ट्यालेन्ट शो शनिवाः किपुलिइ जुइगुMore Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
