नेवाः एकता दिवस हन
झिंछक्वःगु नेवाः एकता दिवस थौं माघ ९ गते शुक्रवाः खोनाया खुदोलय् झःझः धायेक हंगु दु । ज्याझ्वः स्वयां न्ह्यः ज्याझ्वः जुइगु थाय्तक शान्तिपूर्ण जुलुस जूगु खःसा थीथी सांस्कृतिक ब्वज्या व न्वचु व नेवाः एकताया आन्दोलन निरन्तर न्ह्याकेगु घोषणा सहित ज्याझ्वः न्ह्याःगु खः ।
खोनाया न्ह्यलुवाः नेपाल डंगोलं लसकुस याना न्ह्याःगु ज्याझ्वः नेवाः देय् दबूया नायः लिसें झिंछक्वःगु नेवाः एकता दिवसया मंकाः संयोजन पुचःया कजि नरेश ताम्राकारया नायःसुइ न्ह्याःगु खः । उगु ज्याझ्वलय् पुलांम्ह मन्त्री तीर्थराम डंगोल, पुलांम्ह राज्यमन्त्री दिलीप महर्जन, नेवाः न्ह्यलुवा पुष्पराज राजकर्णिकार, सडक बिस्तार पीडित संघया नायः सुमन सायमि आदिपिन्सं न्ववानादीगु खः ।
