धेचूम्ह बुंगद्यः
यलय् सालेगु शुरु याःम्ह बुंगद्यःया रथ धेचूगु दु । थौंकन्हय् सालाः यलया मंगलय् तयातःगु बुंगद्यःया रथ धेचुलाः रथय् दुने च्वंम्ह द्यः नापं धेचुलेगु शुरु जुइधुंकूगु दु । लिसें रथया गजू नापं तसकं धेचुला वःगुलिं हानं रथ क्वःदलीगु खः ला धकाः भक्तजनत चिन्तित जुया वःगु दु । रथ थ्याच्च फ्यतुइ थें च्वना वःगुलिं रथया पांग्रा रथया च्वय्या सिँयात थियाच्वंगु दुसा द्यः च्वनीगु थासय् च्वंगु सिँ नं
चिरबायाच्वंगु स्पष्ट खने दया वःगु दु । रथया अवस्था थथे दुसां थौं मंगलं सालेगु धकाः तयारी यानाच्वंगुलिं स्थानीय बुरापाकापिं रथ क्वःदली लाकि धकाः चिन्तित जुयाच्वंगु खनेदु ।
