येँ व ख्वप समेत यानाः कोरोना संक्रमित २१७ थ्यन
नेपालय् मंगलबाः बहनी थप २६ म्हसित कोरोना भाइरसया संक्रमण पुष्टि जूगु दु । थ्वलिसे संक्रमिततय् ल्याः २१७ थ्यंगु स्वास्थ्य तथा जनसंख्या मन्त्रालयं धाःगु दु । संक्रमित जूपिं मध्ये येँ व ख्वपया सहित दुगु खँ धाःगु दु ।
मंगलबाः न्हिनय् ५७ म्हसित संक्रमण खनेदुगु खः । बहनी थपे जूपिं २६ म्ह सहित छन्हुं हे ८३ म्हसित कोरोना भाइरसया संक्रमण खनेदुगु खः ।
वःगु जानकारी कथं पर्साया २२ निसें) ६० दँया ६ म्ह मिसा व १६ निसें ६१ दँया १२ म्ह मिजं, महोत्तरीया १६ व ३५ दँया २ म्ह मिजं, धनुषाया २० दँया छम्ह मिसा व . ४० दँया मिजं, ख्वपया २५ दँया छम्ह मिसा व २७ दँया छम्ह मिजं, येँया३३ दँया मिसा व सर्लाहीया ४५ दँया मिजंयात कोरोना संक्रमण खनेदुगु खः ।
