बेलायतय् कोरोना विरुद्ध खोपया परीक्षण

बेलायतं कोरोना भाइरस विरुद्धया सम्भावित खोपया परीक्षण न्ह्याकूगु दु । परीक्षणया लागि निम्हसित खोपया मात्रा ब्यूगु बेलायती सञ्चारमाध्यमतय्सं धाःगु दु । खोपया परीक्षण यायेया लागि च्यासः स्वयां अप्वः मनूतय्सं थःगु नां च्वकूगु धाःगु दु ।

खोप बिइपिं मध्ये बच्छिसित कोरोना भाइरस विरुद्धया खोप व ल्यंपिं बच्छिसित मेनेन्जाइटिसविरुद्धया खोप बिइगु धाःगु दु, गुकिं कोरोना भाइरसयात नियन्त्रण याइगु विश्वास याःगु दु । खोप बिइपिं मनूतय्त धाःसा थःत गुगु खोप बिइगु खँ मसिइगु व दाग्दरतय्त जक उकिया जनकारी दइगु धाःगु दु ।