मांया ख्वाः स्वयेगु दिन हनाच्वन
थौं चउलागा औशी अथे धैगु मांया ख्वाः स्वयेगु औंशी मातातीर्थ औंशी । परम्परा कथं जन्म ब्यूम्ह मांयात श्रद्धापूर्वक आदर व सत्कार याना थुगु पर्व हनाच्वंगु दु ।
मांया ख्वाः स्वयेगु दिनय् मां दनिपिन्सं विशेष यानाः इहिपाः मजूनिपिं म्ह्याय् मस्त व काय् मस्तय्सं खेँ सगं बिइगु नापं साः साःगु भिंभिंगु नकेगु व वसः तकं थः मांयात लःल्हायेगु याइ । अथेहे इहिपाः जुइ धुंकूपिं म्ह्याय् मस्तय्सं ला भ्वय् ज्वरे यानाः थःछेँय् वयाः मांयात खेँ सगं बिइगु व भ्वय् नकेगु तकं याइ । मांया ख्वाः स्वइगु इलय् विशेष यानाः खेँ सगं बिइगु याइ । थुगुसी धाःसा लकडाउनया हुनिं मांया ख्वाः स्वयेगु दिनयात असर लाकूगु दु । अप्वः धैथें बिया व्छये धुंकूपिं म्ह्याय्पिं थःछेँ वनाः मांया ख्वाः स्वःवनेगु हने मफइगु जुयाच्वंगु दु ।
मांया ख्वाः स्वइगु दिनय् जुइगु मातातिर्थय् नं थुगुसी मेला मजुइगु धकाः मातातिर्थ दुगु चन्द्रागिरी नगरपालिकां धाःगु दु ।
(मातातिर्थ मेलायाफाइल फोटो)
