उदयपुरय् जक कोरोना संक्रमिततय् ल्याः २८ थ्यन

बुधबार थप ३ म्ह मनूयात कोरोना भाईरस संक्रमण पुष्टि जुइधुंकाः उदयपुरय् जक संक्रमिततय् ल्याः २८ थ्यंगु दु । वैशाख ५ गते भुल्के मस्जिदये दुपिं १२ भारतीयमध्ये ११ व छम्ह नेपाःमियात न्हापांगु खुसिइ संक्रमण पुष्टि जूगु खः ।

छकलं छगू दर्जनयात संक्रमण खनेदुगु कन्हय् खुन्हु थप छम्हसित पुष्टि जुइधुंकाः ‘कोरोना इपिसेन्टर’ जूगु त्रियुगा नगरपालिका ३ भुल्के मस्जिदया भारतीय धर्मप्रचारक १२ सहित १६ म्ह दक्वसित संक्रमण प्रमाणित जूगु दु ।