नवलपरासीइ ७८ दँया ज्याथया र्यापिड टेष्ट पोजेटिभ
नवलपरासी बर्दघाटया छम्ह ७८ दँया ज्याथयात याःगु र्यापिड डाइग्नोस्टिक टेस्ट (आरडीटी) रिपोर्ट पोजेटिभ खनेदुगु दु । बर्दघाट नगरपालिका–४ चिसापानी सामुदायिक अस्पतालय् याःगु परिक्षणया लिच्वलय् पोजेटिभ खनेदुगु खः । निकःतक जाँच यानाः नं उम्ह मनूया परिक्षण लिच्वः पोजेटिभ खनेदुगु धाःगु दु ।
उम्ह मनूया थप परिक्षणया लागि थ्रोट स्वाब भैरहवा व्छःगु दुसा वयात पृथ्वी चन्द्र अस्पताल परासीइ निगरानीइ तयातःगु दु । प्रदेश ५ य् र्यापिड टेस्टय् कोरोना संक्रमण पोजेटिभ खनेदुगु थ्वहे न्हापांगु खुसिइ खः ।
