चिकंया भाः कुहां वनाः ऋणात्मक

अमेरिकाय् कच्चा चिकंया भाः इतिहासय् हे न्हापांगु खुसिइ शून्यं स्वयां कुहां वनाः ऋणात्मक जूगु दु । अमरीकी चिकंया बेञ्जमार्क माने यानातःगु वेस्ट टेक्सस इन्टरमीडिएट (WTI) या भाः कुहां वनाः ऋणात्मक जूगु खः । कच्चा चिकंया माग म्हो जूगु व चिकं स्वथनेगु स्टोरेजया अभावं चिकंया भाः कुहांवंगु खः ।

कोरोनाभाइरसया संक्रमणं यानाः चिकं उपभोग मजुयाः कच्चा चिकं स्वथनेगु थाय्या अभाव ब्वलंगु दु । थबले हे रसिया व साउदी अरवं माःगु स्वयां यक्व चिकं आपूर्ति याःगु दु । थुकिंया हुनिं मे महिनाय् जुइगु चिकंया डेलिभरी भाः ऋणात्मक जूगु दुसा जून महिनाय् जुइगु डेलिभरी भाः नं तसकं म्हो थ्यंगु दु ।

More Stories Like this