ईमेज टेलिभिजनया गृष्मा राजभण्डारीयात ज्याकुथिइ हे दाल
ईमेज टेलिभिजनया समाचार प्रस्तोता प्रमुख गृष्मा राजभण्डारीयात ज्याकुथिइ हे दाःगु दु । शुक्रबार न्हिनय् ज्याया विषयय् विवाद जूबलये राजभण्डारीयात मेम्ह प्रस्तोता सुसन रामदामं दाःगु खः । घटनालिपा घाइते राजभण्डारीयात त्रिवि शिक्षण अस्पतालय् भर्ना याःगु खःसा आः छेँय् लित हयाः आराम यानाच्वंगु जानकारी छेँजःपाखें नेपालमण्डलयात ब्यूगु दु ।
ईमेज टेलिभिजनया प्रमुख कार्यकारी लक्ष्मण हुमागाईया कथं दाःम्ह सुसनयात प्रहरीं नियन्त्रणय् काःगु दु । घटनालिपा सुसनयात प्रहरीं सःताः आवश्यक कारबाही न्ह्याकूगु धाःगु दु ।
