नेपाःया पूर्वी नाकापाखें आयात निर्यात ठप्प
कोरोना संक्रमणया जोखिमया हुनिं भारतया पश्चिम बंगाल सरकारं नेपाःनाप स्वाःगु नाका बन्द यायेवं अनपाखें जुइगु आयात निर्यात ठप्प जूगु दु । बंगाल सरकारं भारतीय भन्सार कार्यालययात पौ च्वयाः अनिश्चित कालया लागि कारोबार दिकेत निर्देशन याःगु खः ।
भारतपाखेया नाका बन्द जुइधुंकाः भारत, भुटान व बंगलादेशं नेपालय् जुइगु दक्वं आयात नं आः ठप्प जूगु दु । लकडाउनया इलय् उगु नाका जुयाः ग्यास, तरकारी, सिसाबुसा आदि वयाच्वंगु खः । केन्द्र सरकारया नीतिविरुद्ध राज्य सरकारं नाका बन्द यायेवं नाका चायेकेत कुटनीतिक पहल न्ह्याःगु धाःगु दु ।
