लकडाउन उल्लंघन दिकेत भैरहवाय् सेना परिचालन
सरकारं घोषणा याःगु लकडाउनया उल्लंघन याइपिं अप्वयेवं भैरहवाय् नेपाली सेना परिचालन यानागु जिल्ला प्रशासन कार्यालय रुपन्देहीं धाःगु दु। स्थानीय बासिन्दां अटेर यानाः लकडाउन उल्लंघन याःगुलिं सेनाया परिचालन याःगु खः।
विशेष यानाः सुथय् व बहनी भैरहवाया बुद्धचोक, देवकोटा चोक, मिलनचोक लगायत क्षेत्रय् लकडाउनया इलय् अवज्ञा अप्वः जूगु व पिने वइपिन्सं सामाजिक दूरीसमेत कायम मयाःगु धाःगु दु । नेपाल प्रहरीं बारम्बार माइकिङ यानाः पसः मचायेकेत इनाप याःसां अटेर यायेवं सुरक्षायात ध्यानय् तयाः नेपाली सेना परिचालन याःगु खः । भारतीय बजार सुनौली लगायत खुल्ला सिमानाया हुनिं रुपन्देही कोरोना भाइसर न्ययेफुगु जोखिमय् लानाच्वंगु दु ।
