कोरोना भाइरसं संक्रमिततय् ल्याः २० लख पुल
हलिंन्यंक कोरोना भाइरसं संक्रमिततय् ल्याः २० लख पूगु दु । आःतक संक्रमिततय् ल्याः २० लख व ७ म्ह थ्यंगु दुसा थुकिइ मध्यय् हलिंयंक यानाः १ लख ३० द्वः ३९८ म्ह मनू थ्व ल्वचं कयाः मदये धुंकूगु दु ।
आःतकया जानकारी कथं कोरोना भाइरसं संक्रमितत मध्यय् दक्कले अप्वः अमेरिकाय् ६,१३,६२४ म्ह दुसा अमेरिकाय् जक थ्वं ल्वचं २९, ७६८ म्ह मनू मदये धुंकूगु दु । अमेरिकाया न्यूयोर्क राज्यय् जक आःतक २,०३,१२३ म्ह मनू संक्रमित जूगु दुसा १४,८२७ म्ह मनू मदये धुंकूगु दु । अमेरिका लिपा स्पेनय् दक्कले अप्वः १,७४,०६० म्ह संक्रमित जुइ धुंकूगु दुसा वयां लिपा इटालीइ १,६२,४८८ म्ह मनू संक्रमित जुइधुंकूगु दु ।
