वीरगञ्जय् थप स्वम्हसित कोरोना संक्रमण
पर्साया वीरगञ्जय् स्वम्ह भारतीय नागरिकतय्त कोरोना संक्रमण जूगु पुष्टि जूगु दु । राष्ट्रिय जनस्वास्थ्य प्रयोगशाला टेकुइ इमिगु नमुना परीक्षण याःबलय् कोरोना पोजेटिभ खनेदुगु खः ।
वीरगञ्जं नमुना संकलन यानाः हेटौंडाया प्रयोगशालाय् परीक्षण याःबलय् इमिगु रिपोर्ट पोजेटिभ वःगु खः । वयांलिपा पुनः जाँचया लागि राष्ट्रिय प्रयोगशाला टेकुइ व्छयाहःगु खः । भारतं वःपिं २४ म्ह सहित ३३ म्हसिया नमुना बिहीबार परीक्षणया लागि हेटौंडा प्रयोगशाला व्छयाहःगु खःसा पुनः परीक्षणया लागि टेकु व्छयाहःगु खः । टेकुइ नमुना व्छया हये न्ह्यः हे इमित नारायणी अस्पतालया आइसोलेसनय् तःगु दु ।
संक्रमित मनूतय् पुतः बाःछि न्ह्यःनिसें वीरगञ्ज–२ छपकैयास्थित जामे मस्जिदय् च्वना वयाच्वंगु खः ।
