आइतवाःनिसें पूवंक जाःगु ग्यास सिलिण्डर
नेपाल आयल निगमं आइतबारंनिसें पूवंक जाःगु ग्यास सिलिण्डर मिइगु क्वःछिगु दु । निगम सञ्चालक समितिया वुधवाः च्वंगु मुँज्यां १४.२ किलोया पूवंक हे जाःगु सिलिण्डर ग्यास मिइगु क्वःछिगु खः ।
ग्यास बिक्रेता महासंघया कोषाध्यक्ष राजेश दाहालं स्वनिगःया ३० प्रतिशत उपभोक्तां बच्छि जक दुगु सिलिण्डर ग्यास न्याये माने मजूगु जिकिर याःगु दु । छुं दिं न्ह्यवनिसें बच्छि ग्यास जक दुगु सिलिण्डर मिइगु यानाच्वंगुलिं ग्यास मिइगु ज्या म्हो जूगु धासें ग्यास वितरकतय्सं निगमयात थथे इनाप याःगु खः । बजारय् ग्यासया अभाव सिर्जना जूगुलिं निगमं वंगु चैत १६ गते न्हिनय् १ बजेनिसें बच्छि अर्थात ७.१ किलोया ग्यास सिलिण्डर मिइत निर्देशन ब्यूगु खः ।
