बझाङया मेलाय् भीड, ल्वापुइ १२ म्ह घाःपाः
सरकारं लकडाउन घोषणा यानाः छुं नं ज्याझ्वः मयायेत व अनावश्यक भीडभाड यायेगुलिइ रोक यानातःसां बझाङ पाथिभेरा गाँउपालिका वडा नं ३ य् न्यायेकीगु चैतली मेलाय् धाःसा स्थानीयतय् भीड जूगु दु । मेलाय् तल्लो छबिस व मल्लो छबिस निथ्वःया विवाद जुयाः ल्वापुइ १२ म्ह घाःपाः जूगु दु । आईतबाः बहनी ६ बजे ल्वहँतं कयेकाः थथे ल्वापु याःगु खः ।
गाउँपालिका उपाध्यक्ष राधिका रताला जोशीं गाउँपालिकां थुगु दँय् चैतली मेला मन्यायेकेत रोक याःसां नं स्थानीय मनूत अटेर जुयाः मेलाय् वःगु धाःगु दु । गाउँपालिकां थीथी नाकाय् प्रहरी परिचालन याःसां उगु मेलाय् म्वःम्वः मनूत वःगु खः ।
