हलि नेवाः दिं कुन्हु अनलाइन सम्मेलन

स्वक्वःगु हलिं नेवाः न्हि अनलाइन पाखें थीथी देशय् च्वनाच्वंपिं नेवाः न्ह्यलुवाःतय् दथुइ सहलह मुँज्या याना जुल । अमेरिकाया टेक्सासय् च्वंच्वनादीम्ह प्रमेश श्रेष्ठं न्ह्याकादीगु थुगु हलिं सम्मेलनय् विश्वब्यापी रूपं न्यनाच्वंगु कोरोना भाइरस संक्रमण नियन्त्रणया निंतिं कोष दयेकेगु लिसें थीथी सहलह जूगु खः । हलिं नेवाः दबूया नायः सिजन श्रेष्ठलिसें थीथी देशय् दुपिं १७ म्ह नेवाःतय्गु ब्वति दुगु खः । सम्मेलनय् हेलिं नेवाः दबूया २०१० निसें २०२० तकया गतिविधि, थुगुसीया हलिं नेवाः न्हि, सरकारं हाकनं हयेत्यंगु गुथि विधयेक व उकियात नेवाःतसें गुकथं कायेमाः धयागु बारे, वर्ल्ड नेवाः अर्गनाइजेशन (हलिं नेवाः दबू)या भावि योजना बारे सहलह जूगु खः । ‘विश्व नेवाः दिवस’ मार्च महिनाया अन्तिम शनिवा न्हियात विश्वन्यंकं च्वंपिं नेवाःतय्सं नेवाः जातिलिसे स्वाःगु छुं कि छुं ज्या यानाः ‘हलिं नेवाः न्हि’ न्यायेकेगु याना वयाच्वंगु दु।

More Stories Like this