ख्वपय् छें पिहां वनेत पास
ख्वप नगरपालिकां नगरय् च्वनीपिन्त छें पिहां वनेत पासया व्यवस्था याःगु दु । कोभिड १९ या महामारी न्यनाच्वंगु इलय् थ्व पाखें तापायेत थथे पासया व्यवस्था याःगु खः ।
नगरपालिकां छेँखापतिं छम्ह छम्ह यानाः थ्यंमथ्यं २० द्वः मनूतय्त छेँय्छेँय् वडा कार्यालयया कर्मचारी मार्फत पास थ्यंकेगु ज्या जुयाच्वंगु दु । पास मज्वँसें पिहां वनीपिन्त माःगु कारवाही यायेत नगरपालिकां जिल्ला प्रशासन कार्यलययात पत्राचार याःगु दु ।
