अमेरिकाय् २ लाख ४० हजारतक सिइफुगु व्हाइट हाउसया अनुमान

Posted on Wed Apr 1, 2020 5:09 am NST

हलिमय् दक्कले अप्वः कोरोना भाइरस संक्रमण अप्वःगु देय् संयुक्त राज्य अमेरिकाय् २ लाख ४० हजारतक कोरोना भाइरसया कारणं सिइफुगु धाःगु दु । व्हाइट हाउसया आयोजनाय् याःगु पत्रकार सम्मेलनय् राष्ट्रपति डोनाल्ड ट्रम्पं थ्व खँ न्ह्यथंगु खः ।

राष्ट्रपति ट्रम्पं आः वइगु बाःछि अमेरिकाय् संक्रमण जूपिं व सिइपिं अप्वइगु खँ धाःगु दु । अमेकिाय् कोरोना भाइरसया संक्रमण पनेत सामाजिक दूरीया निर्देशन अप्रिल ३० तक अप्वयेकूगु दु । आःतक अमेरिकाय् १ लाख ८६ हजार व ४६ म्ह मनू कोरोना भाइरसपाखें संक्रमित जूगु दुसा ३८०७ म्ह मनू सिइ धुंकूगु दु । थुकिइ मध्यय् न्यूयोर्क राज्यय् दक्कले अप्वः अर्थात ७५,७९५ म्ह संक्रमण जूगु दुसा १५५० म्ह मनू सिइ धुंकूगु दु ।