सामाजिक दूरी अवज्ञा याःपिन्त सिंगापुरय् खुलातक जेल

कोरोनाभाइरस संक्रमणया इलय् सिंगापुरया सरकारं घोषणा यानातःगु सामाजिक दुरी कायम मयाःपिन्त खुला तक जेलय् कुने फइगु जूगु दु । अनया स्वास्थ्य मन्त्रालयं जारी याःगु सुचं दुने थ्व खँ न्ह्यथनातःगु दु ।

जारी सुचं कथं छेंपिने छम्ह मनू व मेम्ह मनूया दथुइ छगू मिटरया दुरी कायम मयाःपिन्त व स्कूल व ज्यायापिने झिम्ह स्वयां यक्व मुनीपिन्त झिद्वः सिंगापुर डलर च्यागू लाख न्यय्द्वः नेपाली ध्यबा बराबरया जरिवाना यायेगु अथवा खुलातक जेलय् कुनेगु अथवा नितां यायेफइगु धयातःगु दु । सरकारं लकडाउन धकाः घोषणा यानातःगु इलय् म्वायेक म्वायेकं छेँनं पिहां वनीपिन्त नं थ्व नियम लागू जुइगु खँ सुचनय् न्ह्यथनातःगु दु । सिंगापुरय् आःतक ९२६ म्ह कोरोणा संक्रमण पुष्टि जूगु दुसा स्वम्ह मनू मदये धुंकूगु दु ।

More Stories Like this