थिमिइ तीन करोडया विपद कोष, बिस्काः जात्रा मजुइगु
कोरोना भाइरस संक्रमण पनेत मध्यपुर थिमि नगरपालिकां तीन करोडतकाया विपद कोष नीस्वंगु दु । मध्यपुर थिमि नगरपालिकाय् थौं च्वंगु आकस्मिक मुँज्यां थ्व खँ क्वःछ्यूगु खः ।
मुँज्यां प्रत्येक वडाय् ५ लाखया बिपद कोष दयेकेगु घोषणा याःगु दु । अथे हे वडा अध्यक्षया सयोजकत्वय् आपूर्ति, राहत ब्यबस्थापन व बितरण कमिटी गठन नं याःगु दु । राहत वितरण सहज व व्यवस्थित यायेत एक द्वार प्रणाली नालेगु खँये् बः ब्यूगु दु ।
थुगुसी मध्यपुर थिमिइ बिस्काः जात्राय् मज्जिमगाःगु पूजा जक याना क्वचायेकेगु नं क्वःछ्यूगु दु ।
