बार्सिलोनाया खेलाडीतय् तलवय् ७० प्रतिशत कटौती

नांजाःगु फुटबल क्लब बार्सिलोनाया खेलाडीतय्सं थःगु तलवय् ७० प्रतिशत कटौती यायेगु सहमत जूगु दु । कोरोना भाइरसया संक्रमणया इलय् क्लवया गैर खेलाडीतय् तलव कटौती याये म्वायेक सुचारु रुपं न्ह्याकेत इमिसं थज्याःगु निर्णय याःगु खः ।

क्लवया क्याप्टेन लियोनेल मेस्सीं छगू प्रेस वक्तव्य पिथना थुगु खँया जानकारी ब्यूगु खः । थज्याःगु विषम परिस्थितिइ थःगु क्लब यायेत न्ह्याग्गु कथं नं ग्वहालि यायेगु खँ वक्तव्यय् न्ह्यथनातःगु दु ।

कोरोना भाइरस संक्रमण जुयाः सीपिनिगु ल्याःया आधारय् इटाली लिपा स्पेन दक्कले च्वय् दु । आःतक स्पेनय् ८७, ९५६ म्ह कोरोना संक्रमण पुष्टि जुइधुंकूगु दुसा संक्रमणं ७,७१६ म्ह मनूतय् ज्यान वने धुंकूगु दु ।

More Stories Like this