सरकारया राहत प्याकेज : विद्युतमहशुल, टेलीफोन व इन्टरनेटय् छुट
नेपाल सरकारं कोरोना भाइरस (कोभिड–१९)पाखें प्रभावित मनूतय्त राहत प्याकेजया घोषणा याःगु दु । मन्त्रिपरिषद्या आइतबार च्वंगु मुँज्यां थीथी राहतया घोषणा याःगु खः ।
घोषणा कथं लय् एक सय ५० युनिटतक विद्युत उपभोग याइपिन्त विद्युत महसुलय् २५ प्रतिशततक छुट दइगु जूगु दु । अथे हे विद्युत, त्वनेगु लः, टेलिफोन शुल्क फाल्गुन व चैत महिनाया ध्यवा पुलेगु वैशाख मसान्ततक पुलधाःसा बं पुलेम्वाःगु धाःगु दु । सवारी चालकया लाइसेन्स, रुट परमिट लगायत नवीकरण यायेगु ई नं बैशाख मसान्ततक बं पुले म्वायेक यायेफइगु जूगु दु ।
दुरसञ्चार कम्पनीं लकडाउन इलय् इन्टरनेट व डाटा प्याकेज छ्यलीपिन्त २५ प्रतिशत छुट बिइगु व नीजि कम्पनीं नं थुकथं हे छुट बिइमाःगु धाःगु दु । खाद्य व्यवस्था तथा व्यापार कम्पनी व साल्ट ट्रेडिङले जाकि, छुचुं, दाल, चि, चिकं लगायत नयेगु ज्वलनये १० प्रतिशत छुट बिइगु जूगु दु । स्कूलया हकय् माध्यमिक तहतक निजी स्कुलतय्सं लच्छिया शुल्कय् आवासबाहेक मेगु छुट बिइमाःगु धाःगु दु । शहरी क्षेत्रय् बालं च्वनीपिन्त लच्छितकया बाः मकायेत छेँ थुवाःतय्त इनाप याःगु दु । थथे यात धाःसा सरकारं छेँ थुवाःतय्त लच्छिया छेँबाः कर छुट बिइगु जूगु दु ।
Related Stories
कोरोना नियन्त्रणय् खटे जुइपिन्त २५ लाखतकया निःशुल्क बीमा
