इटालीइ १०१ दँया मनू कोभिड १९ जुयाः लन
इटालीइ कोभिड–१९ संक्रमित जूम्ह छम्ह १०१ दँया ज्याथ अस्पतालं लंकाः छेँ वंगु दु । इटालीया रिमिनि शहरया उपप्रमुख ग्लोरिया लिसिं कोभिड–१९ संक्रमित मनूया उपचार सफल जुयाः छेँ लिहांवंगु जानकारी ब्यूगु दु ।
उत्तरपूर्वी इटालीया रिमिनिस्थित छगू अस्पतालय् वंगु वालय् भर्ना याःम्ह उम्ह मनू बिहिबार उपचारलिपा छेँ लितव्छःगु खः । उपप्रमुख लिसियात उद्धृत यानाः सीएनएनं संक्रमित १०१ दँया मनूया उपचार सफल जुइधुंकाः भविष्यया लागि आशा ब्वलंगु प्रतिक्रिया ब्यूगु उल्लेख याःगु दु । लिसिं धाल, “मिस्टर पी नां बियातःम्ह उम्ह मनूयात बिहिबार छेँ लिव्छये धुंकाः छेँजःपिं लय् ताःगु दु” । रिमिनि शहरय् जक म्हिगःतक कोभिड–१९ पाखें संक्रमिततय् ल्याः एक हजार १८९ दर्ता जूगु दु ।
