किपूया ज्याथःजिथिपिंत सितिकं धार्मिक भ्रमण

किपू नगरपालिका वडा नं. ३ या ज्याथःजिथिपिंत सितिकं धार्मिक स्थल चाःहिइके ब्वनायंकूगु दु । मंगलवाःनिसेंं विहिवाःतक स्वन्हु चाःहिइकीगु थुगु ज्याझ्वःया झ्वलय् मंगलवाः किपूू नगरपालिकाया मेयर रमेश महर्जन व उपमेयर सरस्वति खड्कां ज्याथःजिथिपिंत सिन्हः तिकाः खादां क्वखायेका विदाइ यानादीगु खः ।

३ नं. वडाया ७० म्ह ज्याथःजिथिंपिंत मनकामना व जनकपुरया जानकी मन्दिरय् चाःहिइकाः विहिवाः छेँय् लिहाँ वइगु ज्याझ्वः दु । किपू नगरपालिका वडा नं. ३ या ग्वसालय् जूगु थुगु ज्याझ्वः खःसा थगुने नं धार्मिक थाय् लुम्विनीया भ्रमण याकूगु खः ।

किपाः ज्ञानकुमार महर्जन