अमेरिकाय् न्हापांगु खुसिइ कुमारी खः सालाः येँयाः

अमेरिकाया मेरिल्याण्डय् च्वंगु ब्लाय्‌क हिल रिजनल पार्कय् कुमारी खः सालाः येँया हनेज्या छुं इलं न्ह्यायेत्यंगु दु । नेवाः अर्गनाइजेशन अफ अमेरिकाया ग्वसालय् दँय्‌दसं हना वयाच्वंगु येँयाया झ्वलय् थुगुसी दक्कले न्हापांगु कुमारीयात थथे खतय् सालाः येँयाः हनेत्यंगु खः ।

कुमारी याःनिसें थुगुसी दशअवतार प्याखं लगायत धिमय् बाजं, पुलुकिसि, नेवाः प्याखं, सम्हय् ब्वज्या व ख्वालय् किपा च्वयेगु ज्या नं जुइत्यंगु खँ अर्गनाइजेशनया नायः पुष्कर प्रजापतिं नेपालमण्डलयात कनादिल ।