प्यन्हु लिपा स्वनिगःया फोहोर मुनेगु शुरू
प्यन्हु न्ह्यःनिसें फोहर मुनेगु ज्या बन्द जुयाः दर्गन्धित जुयाच्वंगु स्वनिगःया फोहाेर सोमवाः सुथंनिसें मुनेगुु ज्या शुरू जूगु दु । काठमाडौँ महानगरपालिका व कर्मचारी दथुइया सहमति लिपा फोहोर मुनेगु ज्या शुरू जूगु खः । सहमति कथं कर्मचारीतय् सुरक्षा बिइगु मागयात महानगरपालिकां सम्बोधन यायेगु सहमति जूगु दु ।
नुवाकाेट सिसडोलया स्थनिय मनूतय् विरोध व महानगरपालिकाया कर्मचारीय् हड्तालया कारणं वंगु शुकवाः निसें फोहोर मुनेगु ज्या ठप्प जूगु खः । वंगु शुक्रवाः येँ नं फोहोर ज्वनाः सिसडोल वंगु गाडीको ठक्करं स्थानीय छम्ह मचा सीगु विरोधय् स्थनीयवासीतय्सं उगु गाडी च्याकाः अन फोहोर वांव्छ्वय् मबिउगु खः । वयां लिपा कर्मचारीतय्सं थःपिनिगु सुरक्षाया ग्यारेण्टी मजुइकथं थःपिंसं फोहोर अन मयंकूगु धासें सुरक्षा प्रत्याभुतिया माग याना अान्दोलन यानाच्वंगु खः ।
