चित्तरञ्जन नेपाली नेपालभाषा एकेदमिया न्हूम्ह चान्सलर
नेपालभाषा एकेदमिया न्हूम्ह चान्सलर विरष्ठ साहित्यकार नापं भाषासेवी चित्तरञ्जन नेपाली जुयादीगु दु ।
एकेदमिया मू ज्याकू किपूया न्यामासिमाय् शनिवाः जूगु साधारणसभा नापं न्हूधाः सभां नेपालीयात न्हूम्ह चान्सलर ल्यःगु खः । वय्कः एकेदमिया संस्थापक भाइस चान्सलर नं खः ।
अथेहे सभां भाइस चान्सलरय् यज्ञरत्न धाख्वाः, सदस्य सचिवय् मल्ल के. सुन्दर व दांभरीइ डा. पुष्पराज राजकर्णीकार ल्यःगु दु । अथेहे दुजलय् डा. तेजरत्न कंसाकार, लक्ष्मीदास मानन्धर, प्रा. प्रेमशान्ति तुलाधर, प्रतिसरा साय्मि, डा. चन्द्रमान बज्राचार्य व नजरराम महर्जनयात ल्यःगु दु ।
एकेदमिया न्हूगु ज्यासना पुचलय् मेपिं न्याम्ह लिपा थप याइगु खँ धाःगु दु । न्हूगु ज्यासना पुचःया निवर्तमान चान्सलर नापं संस्कृतिविद् सत्यमोहन जोशीं सपथग्रहण याकादीगु खः ।
