पार्टी एकीकरणया निंतिं माअोवादीं वार्ता न्ह्याकीगु
मोहन वैद्य नेतृत्वया नेकपा-माअोवादीं एकीकृत (माअोवादी) नाप वार्ता प्रक्रिया न्ह्याकेगु निर्णय याःगु दु ।
शनिवाः पार्टी ज्याकूथी जूगु स्थायी समितिया बैठकं एमाअाेवादीनाप ठाेस वार्ता यानाः पार्टी एकीकरणया निंतिं पलाः ल्ह्वनीगु निर्णय याःगु खः । उगु बैठकं वार्ताया निंतिं पार्टी अध्यक्ष वैद्यया नेतृत्वय् न्हापा गठन यानातःगु वार्ता पुचःयात हानं सक्रिय यायेगु निर्णय नं याःगु दु ।
थ्वस्वयां न्ह्यः नं निगू पार्टी एकीकरणया निंतिं अनाैपचारिक रूपं वार्ता जुइधुंकूगु दु । पार्टी एकीकरणया निंतिं निगूिलं पार्टीया निगूगु तहया नेतात अनाैपचारिक वार्ताय् सक्रिय जुयाच्वंगु दु ।
वार्ताया निंतिं वैद्य माअाेवादीं ६गू बुँदे प्रस्ताव एमाअाेवादीयात न्हापा हे व्छयेधुंकूगु खःसा उकीया लिसलय् एमाअाेवादीं फुक्क विषयलय् सहमत जुइफइगु धासें लिसः व्छवःगु खः ।
