खोनाय् धिमे प्याखँया तालिम

न्हू पुस्तायात धिमे प्याखँ स्यनेगु ताः तयाः खोनाय् लच्छियंकया धिमे प्याखँ तालिम शुरू जूगु दु । लिधंसा पासा पुचःया ग्वसालय् पुस २७ गते निसें उगु तालिम शुरू याःगु खः । खोनाया १५४म्हेसिनं उगु प्रशिक्षणय् ब्वति कयाच्वंगु खँ लिधंसा पासा पुचलं धाःगु दु । न्हिया न्हिथं लच्छि तक न्ह्याइगु उगु प्रशिक्षणय् मोहन व्यञ्जकारं प्याखँ स्यनाच्वनादीगु खः । लच्छिया दुने पूवंक प्रशिक्षण बियाः फागुनया न्हापांगु वालय् प्रशिक्षण काःपिं पाखें छगू ज्याझ्वः क्यनीगु ग्वसाः दुगु खँ लिधंसा पासा पुचलं धाःगु दु ।