असनय् नेवाःतय्गु तःधंगु जुलुस व सभा जुइगु
भाजु मल्ल के. सुन्दरपाखें नेवाः पत्रकारतय्त कथित ७ गू प्रदेशया बारे जानकारी
थ्वहे माघ ८ गते दुने जारी याये धयाःतःगु देय्या संविधानय् नेवाः लिसें आदिवासी जनजातिया अधिकार मदइकथंया षडयन्त्र जुयाच्वंगु व राज्य पुनसंरचनाय् ७गू प्रदेशया अवधारणा वयाच्वंगुयात ध्वाथुइकेकथं नेवाः स्वायत्त राज्य मंकाः संघर्ष समितिं वंगु आइतवाः नेवाः पत्रकारतय्गु मुँज्या यात ।
सासा ब्यांक्वेत, टेकुइ जूगु उगु मुँज्याय् समितिया सचिवालय कजि भाजु मल्ल के. सुन्दरं ७ गू प्रदेशया अवधारणां नेवाः लिसें जनजातितय्त हाकनं झंगः लायेत स्वयाच्वंगु व उगु प्रदेशय् ब्रम्हु बाहेक मेगु जातितय्त हाकनं राज्य विहिन दयेकेत्यंगुया बारे जानकारी बियादिसें आदिवासी जनजाति राष्ट्रिय आन्दोलन न्ह्याकेमाःगु खँय् ध्वाथुइका दिल ।
आदिवासी जनजाति राष्ट्रिय आन्दोलनया सर्वमान्य नेता भाजु पद्मरत्न तुलाधरया नेतृत्वय् न्ह्याइगु आन्दोलनया बारे नं जानकारी बियादिलसा थुगु आन्दोलनय् भाजु तुलाधरलिसें हे सकलें नेवाः नं छप्पं दु धइगु क्यनेया लागि थ्वहे थिंलाथ्व त्रयोदशि (4th Dec., 2014) खुन्हु असनय् जुइगु तःधंगु जुलुसय् ब्वति कायेगु व थःथःगु संचारमाध्यम पाखें थुकिया जानकारी बियादीत नं नेवाः पत्रकारतय्त इनाप यानादीगु खः ।
उगु ज्याझ्वलय् भाजु मल्ल के. सुन्दरं न्ववानादीगु पूवंक न्यनेत क्वय्या प्लेयर क्लिक यानादिसँ ।
किपाः रेखा शाक्य
More Stories Like this
नेवाः न्ह्यलुवाः पद्मरत्न तुलाधरया 'विदेशी मिसा' [मनोवाद / अडियो] नेवाः न्ह्यलुवाः पद्मरत्न तुलाधरया 'पी दँ न्ह्यःया पासा' [मनोवाद / अडियो] नेवाः न्ह्यलुवाः पद्मरत्न तुलाधरया 'मचाबलय्या पासा' [मनोवाद / अडियो] नेवाः न्ह्यलुवाः पद्मरत्न तुलाधरया 'ज्योग्राफिक क्लास' [मनोवाद / अडियो] नेवाः न्ह्यलुवाः पद्मरत्न तुलाधरया 'भबिष्यबाणी याम्ह जोगी' [मनोवाद / अडियो]
