सीके राउतयात त्वःतेमाःगु माग याना लाःगु रिट सर्वोच्चपाखें खारेज

येँ/ मधेशयात नेपाःपाखें ब्यागलं यायेमाःगु अभियानय् दुम्ह डा. सीके राउतयात त्वःतेमाःगु माग याना दायर जूगु बन्दी प्रत्यक्षीकरणया रिट सर्वोच्च अदालतं खारेज यानाब्यूगु दु ।

न्यायाधीश सुशीला कार्की व गोविन्द उपाध्यायया इजलासं राज्यविरुद्धया अपराध सम्बन्धी मुद्दा अनुसन्धानया विशेष अदालतपाखें म्याद थप जूगु व निवेदकया थुनाया वैधता उगु हे अदालतपाखें सम्बोधन जुइगु न्ह्यथना रिट खारेज यानाब्यूगु खः । राउतयात निवाः न्ह्यः ज्वंगु खः ।

राज्यविरुद्धया अपराध सम्बन्धी मुद्दाया अनुसन्धानया नितिं प्रहरीं राउतयात हिरासतय् तयेत विशेष अदालतपाखें उजं काःगु दु ।