प्रमुख दलतय्गु बैठक थौं नं लिच्वःविहीन

निगुलिं पक्षपाखें पुलांगु हे अडान कायम

येँ/ व्यवस्थापिका संसद्या अवरोध चीकेगु कुतःकथं थौं च्वंगु प्रमुख स्वंगू दलया बैठक नं विना लिच्वः क्वचाःगु दु । संविधानसभा भवन न्हूगु बानेश्वरय् जूगु सहलहसं दलत थःथःगु हे अडानय् यथावत च्वनेवं सहमति चूलायेमफुगु खः ।

थ्व स्वयाः न्ह्यः आइतवाः नं निगू चरणय् सहलह यानाः दलतय्सं सहमतिया कुतः याःगु खः । एमाओवादीलगायतया प्रतिपक्षी दलत प्यंगू बुँदे सहमतिकथं उच्चस्तरीय राजनीतिक समिति नीस्वनेमाःगु अडानपाखें टसकोमस जूगु खः । वहे मागलिसे उमिसं गुक्वःतक्क सदन अवरुद्ध यायेधुंकूगु दु ।