राजनीतिक संवाद लिसे सहमति समितिया म्याद असोज १४ तक्क थप

येँ/ संविधान निर्माणय् ग्वाहालि यायेगु नितिं नीस्वंगु संविधानसभाया संवैधानिक राजनीतिक संवाद लिसे सहमति समितिया म्याद असोज १४ गतेतक्क थप यायेगु निर्णय याःगु दु ।

प्यन्हुतक्क न्ह्याःगु सहलहलिपा संविधानसभां थौं बहुमतपाखें म्याद थप यायेगु निर्णय याःगु खः । बैठकं असोज १४ गतेतक्कया दुने नं सहमति जुइमफुसा विवादित विषययात प्रश्नावली दयेकाः असोज २१ गतेतक्क संविधानसभाय् पेस यायेगु निर्णय याःगु दु ।