मन्त्रीमण्डल पुनर्गठन, महेश बस्नेत उद्योगमन्त्री
येँ/ सत्तारुढ दल नेकपा एमालें थः निम्ह मन्त्रीयात सरकारपाखें लित सःतूगु दु । एमालें संस्कृति, पर्यटन लिसे नागरिक उड्डयनमन्त्री भीमप्रसाद आचार्य व उद्योगमन्त्री कृष्णबहादुर थापायात लित सःतूगु खः ।
एमालेया सिफारिसय् प्रधानमन्त्री सुशील कोइरालां दीपकचन्द्र अमात्ययात संस्कृति, पर्यटन लिसे नागरिक उड्डयन व महेश बस्नेतयात उद्योगमन्त्रीइ नियुक्त याःगु दु । एमाले नायः केपी ओली निकट कथं कयातःम्ह बस्नेत युवा संघया नायः खः । एमालेया नवौं महाधिवेशनय् केन्द्रीय दुजलय् बूगु खः । सम्बन्धित दलया सिफारिसय् मन्त्रिपरिषद् पुनगर्ठन याःगु प्रधानमन्त्रीया प्रेस कजि प्रकाश अधिकारीं पिथंगु प्रेस विज्ञप्तीपाखें जानकारी ब्यूगु खः ।
अथेहे न्हापाया संविधानसभाय् राजीनामा बियाः माधवकुमार नेपालयात सभासद् दयेकूम्ह सुशीलचन्द्र अमात्यया काय् खः दीपकचन्द्र अमात्य । मन्त्री अमात्य झलनाथ खनाल प्रधानमन्त्री जूगु इलय् स्वकीय छ्याञ्जे खः । वय्कः गुक्वःगु महाधिवेशनया महाधिवेशन प्रतिनिधिइ हे बूगु खः ।
