सर्वपक्षीय राजनीतिक सभा भाद्र ३१ गते जुइगु

ब्वति काइगु दलत धाःसा क्वःछी ल्यंदनि

येँ/ सर्वपक्षीय राजनीतिक सभा थ्वहे भाद्र ३१ गते जुइगु जूगु दु । मू स्वंगू दल व नेकपा–माओवादीपाखें नीस्वंगु कार्यदलं तिथि क्वःछ्यूगु खः । राजनीतिक सभा ३१ गते सुथय् च्याताः त्या इलय् संविधानसभा भवन न्हूगु बानेश्वरय् च्वनीगु जूगु दु ।

सभाय् संविधानसभाय् प्रतिनिधित्व याइगु स्वीस्वंगू दल र नेकपा–माओवादीया लिसलिसे मेमेगु छु–छु दलतय्ेत दुथ्याकेगु धइगु बारे क्वःछीफुगु मदुनि । वैद्य माओवादीया स्वीस्वंगू दलीय मोर्चाय् दुगु नापनापं मेमेगु छु–छु दलतय्त दुथ्याकेगु धइगु बारे क्वःछीगु ज्या कन्हय् शनिवाः जुइगु न्ह्यःथंगु दु । अथेनं थुकियात प्यंगू दलया शीर्ष नेतातय्सं अनुमोदन यायेधाःसा ल्यं दनि ।

थ्व स्वयाः न्ह्यः थौं च्वंगु प्यंगू दलया शीर्ष नेतातय्गु बैठकय् तिथिया विषयसं सहमति जुइफुगु मदुनि ।