प्रधानन्यायाधीशय् साहया नां सिफारिस

येँ/ संवैधानिक परिषद्ं सर्वोच्च अदालतया वरिष्ठ न्यायाधीश जुयाच्वनादीम्ह रामकुमारप्रसाद साहयात प्रधानन्यायाधीशय् सिफारिस याःगु दु । मन्त्रिपरिषद्या ज्याकू सिंहदरबारय् थौं च्वंगु संवैधानिक परिषद्या बैठकं साहयात प्रधानन्यायाधीशय् सिफारिस याःगु खः ।

वर्तमान प्रधानन्यायाधीश दामोदरप्रसाद शर्मां असोज २३ गतेनिसें उमेर हदबन्दीया हुनिं अवकाश कायेत्यंगु खः । वय्कलं अवकाश कयादीत्यनेवं रामकुमारप्रसाद साहयात सिफारिस याःगु खः । संसदीय सुनुवाइलिपा जक राष्ट्रपतिं साहयात प्रधानन्यायाधीशय् नियुक्त यायेगु ज्या जुइ ।