स्वंगू दलया शीर्ष नेतातय्गु बैठक लिच्वःविहीन

येँ/ संविधानसभाया थीथी विवादित विषयसं सहलह यायेत थौं च्वंगु मू स्वंगू दलया बैठक बिना लिच्वः क्वचाःगु दु ।

संवैधानिक राजनीतिक संवाद लिसे सहमति समितिया सभापति डा. बाबुराम भट्टराईया पहलय् च्वंगु बैठकय् संवाद समितिं संविधानसभाय् छ्वःगु प्रतिवेदनदथुइ गुकथं सहलह न्ह्याकेगु धइगु विषयसं खँल्हाबल्हा जूसां नं छु नं सहमति चूलायेमफुगु खः ।

बैठकय् कांग्रेस, एमाले व एमाओवादीका शीर्ष नेतातय्गु ब्वति दुगु खः । थप विषयसं सहलह यायेत कन्हय् बिहीबाः नेकपा–माओवादीलिसे प्यंगू दलया बैठक इनाप याःगु एमाले न्वकु भीम रावलं जानकारी बियादीगु दु ।