राजनीतिक सभापाखें जक संविधान : गजुरेल

इलाम/ नेकपा–माओवादीया न्वकु सिपी गजुरेलं देशय् राष्ट्रिय राजनीतिक सभा नीस्वंगुलिं उगु हे सभापाखें संविधान जारी यायेमाःगु धयादीगु दु ।

क्रान्तिकारी पत्रकार महासंघ, इलामं थौं ग्वसाः ग्वःगु पत्रकार सम्मेलनय् वय्कलं राजनीतिक सभां जक वर्तमान राजनीतिक संकट समाधान यायेगु बिचाः प्वंकादीगु दु । संविधानसभा स्वयाः पिने आपालं पार्टी दुगुलिं उमित कःमघासे दयेकीगु संविधान दीर्घकालीन जुइमफइगु वय्कःया धापू खः ।

माओवादीया इलामय् थौंनिसें न्ह्याःगु युवा प्रशिक्षण ज्याझ्वलय् नेता गजुरेलं प्रशिक्षण बीगु ज्याझ्वः दुगु जिल्ला प्रवक्ता अशोक प्रधानं जानकारी बियादीगु दु ।