पीटीए व पीडीएविरुद्ध ४७ दल संघर्षय्

येँ/ संविधानसभापिने दुगु नेकपा–माओवादीलिसे चीधंगु ४७ दलं पीटीए व पीडीए सम्झौताया विरुद्धय् संघर्षया ज्याझ्वःत न्ह्यःने न्ह्याकीगु जूगु दु ।

नेकपा–माओवादीया मूज्याकू बुद्धनगरय् थौं च्वंगु दलतय्गु सर्वदलीय आन्दोलनया ज्याझ्वःत घोषणा याःगु खः । बैठकं थ्वहे भाद्र २४ गते फुक्क जिल्ला प्रशासन ज्याकुथिइ विरोध प्रदर्शनलिसे विरोध पौ बीगु निर्णय नापं याःगु दु ।

अथेहे भाद्र २७ गते येँया सिंहदरबारया दक्षिण गेटय् व मेमेगु जिल्लाय् प्रमुख जिल्ला अधिकारीया ज्याकुथिइ धर्ना च्वना विरोध प्रदर्शन यायेगु व विद्युत व्यापार सम्झौता पीटीए पौ च्याकेगु निर्णय जूगु माओवादी छ्याञ्जे देव गुरुङं जानकारी बियादीगु दु ।