मू स्वंगू दलया बैठक बिना लिच्वः क्वचाल

येँ/ संविधानया अन्तर्वस्तुइ सहमति मालेत च्वंगु मू स्वंगू दलया बैठक बिना लिच्वः क्वचाःगु दु । सिंहदरबारय् थौं च्वंगु उगु बैठकय् संघीयता, शासकीय स्वरूप, निर्वाचन प्रणाली लिसे न्याय प्रणालीया विषयसं सहलह केन्द्रित जूसां नं छु नं सहमति धाःसा जुइमफुगु खः ।

अथेन शीर्ष नेतातय्सं भदौ २१ गतेदुने दलतदथुइ सहमति चूलाकेमाःगु जूगुलिं नेतातय्सं सहलहयात तीब्रता ब्यूगु खः ।

संविधानया विवादित विषयसं सहलह यायेत थौं सनिलय् प्रधानमन्त्री निवास बालुवाटारय् नेकपा–माओवादीलिसे मू स्वंगू दलं सहलह यायेगु तयारी याःगु दु ।